სამოდელო გაკვეთილები

გაკვეთილის გეგმა

მასწავლებლის სახელი გვარი, პირადი ნომერი: ლეილა ხიჩაკაძე პ/ნ 01006006934

საგანები: მათემატიკა

სწავლების საფეხური/კლასი: დაწყებითი/მე-4 კლასი

სამოდელო გაკვეთილი. მიმართულება: ინოვაციური

გაკვეთილის ჩატარების თარიღი: 08. 04. 2019წ

მოსწავლეთა რაოდენობა: 29 (მათ შორის არ არის სსსმ მოსწავლე)

გაკვეთილის თემა: მთელის ნაწილები

გაკვეთილის მიზანი:

         მოსწავლე შეძლებს მთელის ნაწილების ამოცნობას და დასახელებას.

 ეროვნული სასწავლო გეგმის სტანდარტი

მათ. IV.4. მოსწავლეს შეუძლია მთელის ნაწილების (ნახევარი, მესამედი, მეოთხედი) ერთმანეთისაგან განსხვავება, დასახელება და შედარება.

შედეგი თვალსაჩინოა, თუ მოსწავლე: 

Ø  ამოიცნობს და ასახელებს მთელის ნახევარ/მესამედ/მეოთხედ ნაწილებს სხვადასხვა მოდელზე ( მონაკვეთის , მართკუთხედის და წრის მოდელებზე , როგორიცაა, მაგალითად, ნამცხვარი, საათი, შოკოლადის ფილა);

Ø  იყენებს გაორმაგებას და ერთმანეთთან აკავშირებს მთელის მეოთხედს და ნახევარს.

წინარე ცოდნა: ცნობს გეომეტრიულ ფიგურებს: მონაკვეთი, წრე, მართკუთხედი, კვადრატი.  იცის რიცხვების გაორმაგება და განახევრება. მოსწვლეს აქვს მონაცემების გააზრებისა და დახარისხების უნარი. ინსტრუქციის მიხედვით მოქმედების უნარი.

აქტივობის აღწერა	გამოყენებული მეთოდი/მეთოდები	კლასის ორგანიზების ფორმა/ფორმები	სასწავლო რესურსები	დრო (წთ)
I ფაზა აქტივობა 1. კლასის ორგანიზება; გაკვეთილის თემისა და  მიზნის გაცნობა. მასწავლებელი მოსწავლეებს ესაუბრება და აცნობს გაკვეთილის მიზანს, აცნობს შეფასების ინსტრუმენტებს და ინსტრუქციას. რომ შეფასებისას გამოყენებული იქნება განმავითარებელი შეფასებისა და თვითშეფასების რუბრიკები, (ასევე მოსწავლეზე დაკვირვების ფორმა.) ჯგუფური მუშაობის რუბრიკა. მასწავლებელი მოსწავლეებს დააკვირდება ჯგუფური მუშაობის პროცესში; უსვამს დამატებით კითხვებს მოსწავლეებს და უსმენს მათ პასუხებს; ადარებს მოსწავლეთა მოსაზრებებსა და შესრულებულ მოქმედებებს შეფასების სქემის კრიტერიუმებს. განმავითარებელი შეფასება მოხდება შემდეგი კრიტერიუმების მიხედვით: როგორ ასრულებენ  დავალებას რამდენად არიან ჩაბმული საკლასო აქტივობებში და როგორია მათ მიერ შესრულებული სამუშაოს ხარისხი ; როგორ იქცევა მოსწავლე გაკვეთილის განმავლობაში, განსაკუთრებით ჯგუფში მუშაობისას რა შინაარსის შეკითხვებს სვამს იგი. რამდენად გააანალიზა საკითხი და გასცა კითხვებზე პასუხის. შეფასების კრიტერიუმები გაკრულია კლასში თვალსაჩინო ადგილას.	ვერბალური ახსნა	მთელი კლასი	ფორმატზე წარმოდგენილი გაკვეთილის მიზანი. შეფასების რუბრიკები.	2 წთ
აქტივობა 2. წინარე ცოდნის გააქტიურება მასწავლებელი გაკვეთილს იწყებს წინარე ცოდნის გააქტიურებით, რისთვისაც არჩევს მოსწავლეებთან ერთად საშინაო დავალებას. საშინაო დავალება. 1. დედამ გამოაცხო ხაჭაპური და ორ ტოლ ნაწილად გაჭრა. თითოეული ნაჭერი ხაჭაპურის რა ნაწილია?  2. გიორგიმ და მისმა მეგობარმა ვაშლი თანაბრად გაიყვეს. ვაშლის რა ნაწილი შეხვდა თითოეულს?  3. AB მონაკვეთი ორ ტოლ ნაწილებადაა დაყოფილი. AB მონაკვეთის რა ნაწილს შეადგენს CB მონაკვეთი?  4. დახაზე მონაკვეთი, წრე, მართკუთხედი, კვადრატი.	კითხვა-პასუხი	მთელი კლასი	თვალსაჩნო მასალა	5წთ
II ფაზა აქტივობა 3. მასწავლებელი ეკითხება მოსწავლეებს: „რას ნიშნავს რიცხვის განახევრება? რამდენი იქნება 40-ის ნახევარი? 90-ის ნახევარი? 140-ის ნახევარი? რიცხვის განახევრება შეგვიძლია, მაგრამ საინტერესოა, შეგვიძლია თუ არა ფიგურების ორ ტოლ ნაწილად დაყოფა?“  შემდეგ მასწავლებელი ურიგებს მოსწავლეებს ქაღალდისგან გამოჭრილ ფიგურებს: წრეს, კვადრატს, მართკუთხედს, და სთხოვს, თითოეული ფიგურა გადაკეცონ ისე, რომ ორი ტოლი ნაწილი მიიღონ. ეკითხება: „როგორ ნაწილებს მიიღებთ წრის გადაკეცვით? (ორ ერთნაირ ნახევარწრეს). კვადრატის გადაკეცვით?“ (ბავშვები ნახავენ, რომ კვადრატის გაყოფა შეუძლიათ ორ ერთნაირ მართკუთხედად ან ორ ერთნაირ  სამკუთხედად). ასევე, მართკუთხედსაც გაყოფენ ორ ტოლ ნაწილად და მიიღებენ ორ ერთნაირ მართკუთხედს.   მასწავლებელი კითხულობს: „რა შეიძლება ვუწოდოთ ფიგურის ორი ტოლი ნაწილიდან თითოეულს?“ (ფიგურის ნახევარი ნაწილი). შემდეგ აღნიშნავს, რომ ნახევარს ასევე შეიძლება ვუწოდოთ მეორედი ნაწილი. შემდეგ ეკითხება ბავშვებს, თუ რა შეიძლება დაარქვან ნაწილებს, როცა ფიგურა დაყოფილია სამ ტოლ ნაწილად (ფიგურის მესამედი ნაწილი). შემდეგ კვლავ აჩვენებს ქაღალდისგან გამოჭრილ წრეს, რომელსაც მათ თვალწინ გაჭრის ორ ტოლ ნაწილად. „რა ნაწილები მივიღეთ?“ (წრის ორი ცალი მეორედი ნაწილი). შემდეგ თითოეულ ნაწილს კიდევ გაჭრის ორ ტოლ ნაწილად. „ახლა წრის რამდენი ნაწილი მივიღეთ? (ოთხი) რა დავარქვათ თითოეულ ნაწილს? (წრის მეოთხედი ნაწილი) რამდენი მეოთხედისგან შედგება ერთი მთლიანი წრე? (ოთხი მეოთხედისგან) ორი მეოთხედის შეერთებით რას მივიღებთ? (წრის ერთ მეორედ ნაწილს) ორი მეორედის შეერთებით რას მივიღებთ?“ (მთელ წრეს).  შემდეგ მასწავლებელი აჩვენებს ვიდეო რესურსს წილადებზე https://ka.khanacademy.org/math/cc-third-grade-math/cc-3rd-fractions-topic/cc-3rd-fractions-intro/v/fraction-basics?modal=1 სარეზერვოდ	მათემატიკური მოდელირება ინტერაქცია	მთელი კლასი	რესურსები თვალსაჩინოებისთვის, მაგნიტური დაფა, მაგნიტური ფიგურები, კომპიუტერი, პროექტორი	12წთ
III ფაზა აქტივობა 4. მასწავლებელი ყოფს მოსწავლეებს ექვს ჯგუფად: ორი ჯგუფი („ვიზუალური ტიპის“ მოსწავლეები) იწყებს სავარჯიშოების გაკეთებას კომპიუტერით ხანის აკადემიაში (დანართი 1). ბმული მეორე ორ ჯგუფს („კინესთეტიკური ტიპის“ მოსწავლეები) ურიგებს რამდენიმე ფურცელზე დაბეჭდილ განსხვავებულ ფიგურებს, სადაც მათ უნდა ამოიცნონ გაფერადებული ნაწილები. (დანართი 2.) მესამე ორ ჯგუფს („სმენითი ტიპის“ მოსწავლეები) მისცემს ნაწილების მოდელებს („პიცა“,  დანართი 3) და თვითონაც უჯდება მათ (მისი მითითებების მიხედვით ბავშვები ეძებენ  სხვადასხვა ნაწილებს და აწყობენ მთელს). დაკვირვების შედეგად, თუ მასწავლებელი ამჩნევს, რომ სხვა ჯგუფებს ესაჭიროებათ დახმარება, მიდის მათთან და აძლევს კონსტრუქციულ უკუკავშირს).	კეთებით სწავლება, სკაფოლდინგი	ჯგუფური მუშაობა	კომპიუტერი, ფურცელზე დაბეჭდილი მოდელები	12წთ
აქტივობა 5. მასწავლებელი ყველას აძლევს ფურცელზე დაბეჭდილ დავალებას (დანართი 4). თითოეული მოსწავლე იმუშავებს ინდივიდუალურად.  მასწავლებელი მოძრაობს ბავშვებს შორის და აკვირდება მუშაობის პროცესს. თუ შეამჩნევს, რომ რომელიმეს უჭირს დავალების შესრულება, მიდის მასთან და ხარაჩოების მიწოდების საშუალებით ეხმარება.	კეთებით სწავლება, სკაფოლდინგი	ინდივიდუალური მუშაობა		10წთ
გასასვლელი ბილეთები. გაკვეთილის ბოლოს მასწავლებელი სთხოვს ბავშვებს შეავსონ ბილეთები (დანართი 5).   ამ ბარათების ანალიზის შედეგებს მასწავლებელი ითვალისწინებს შემდგომი გაკვეთილის დაგეგმვისას.		ინდივიდუალური მუშაობა		4წთ

გაკვეთილის შედეგი:

მოსწავლეს ეცოდინება: მოსწავლეს ეცოდინება მთელიდან ნაწილების გამოყოფა და მათი დასახელება

დამხმარე მასალები: 1. ka.khanacademy.org

                                       2. G-Pried

                  დ ა ნ ა რ თ ი 1.

                     https://ka.khanacademy.org/math/cc-third-grade-math/cc-3rd-fractions-topic/cc-3rd-fractions-intro/e/that-s-not-fair-

დანართი 2.

დანართი 3.

ნაწილების მოდელი ,,პიცა“

გაკვეთილის გეგმა

მასწავლებლის სახელი გვარი, პირადი ნომერი: ლეილა ხიჩაკაძე პ/ნ 01006006934

საგანები: მათემატიკა

სწავლების საფეხური/კლასი: დაწყებითი/მე-3 კლასი

სამოდელო გაკვეთილი. მიმართულება: ინოვაციური

გაკვეთილის ჩატარების თარიღი: 19 აპრილი

მოსწავლეთა რაოდენობა: 25 (მათ შორის არ არის სსსმ მოსწავლე)

გაკვეთილის თემა: სივრცული ფიგურები (კუბი, მართკუთხა პარალელეპიპედი)

გაკვეთილის მიზანი: მოსწავლემ შეძლოს კუბისა და მართკუთხა პარალელეპიპედის ამოცნობა სხვადასხვა საგნებში და მისი მოდელების შექმნა. გამოიყენოს გეომეტრიული ტერმინები (წიბო, წვერო, წახნაგი),გაეცნონ და ისწავლონ ნავიგაცია მათთვის ახალ ინტერნეტ საიტზე ,,geogebra.org”

 ეროვნული სასწავლო გეგმის სტანდარტი

          მათ. III.8. მოსწავლეს შეუძლია გეომეტრიული ფიგურის ამოცნობა და აღწერა.

შედეგი თვალსაჩინოა, თუ მოსწავლე: 

Ø  ამოიცნობს სივრცულ გეომეტრიულ ფიგურებს არქიტექტურისა და ხელოვნების ნიმუშებში ან მათ ილუსტრაციებში, ყოფითი დანიშნულების საგნებში ან ფიგურათა მოდელების გროვაში;

Ø  განასხვავებს ფიგურის ელემენტებს და იყენებს გეომეტრიულ ტერმინებს მათი დასახელებისას (მაგალითად: წვერო, წახნაგი, წიბო);

წინარე ცოდნა: ცნობს და ახასიათებს ბრტყელ გეომეტრიულ ფიგურებს: მონაკვეთი, წრე, მართკუთხედი, კვადრატი.   მოსწვლეს აქვს მონაცემების გააზრებისა და დახარისხების უნარი. ინსტრუქციის მიხედვით მოქმედების უნარი.

აქტივობის აღწერა	გამოყენებული მეთოდი/მეთოდები	კლასის ორგანიზების ფორმა/ფორმები	სასწავლო რესურსები	დრო (წთ)
I ფაზა აქტივობა 1. თავდაპირველად მასწავლებელი ესალმება კლასს, შეახსენებს ქცევის წესებს, განუმარტავს შეფასებისა და თვითშეფასების  რუბრიკებს. ამის შემდეგ აცნობს გაკვეთილის თემასა და მიზანს: ,,დღეს ჩვენ შევისწავლით, თუ როგორ განვასხვავოთ ბრტყელი და სივრცული ფიგურები, ამოვიცნობთ სივრცულ გეომეტრიულ ფიგურებს  ილუსტრაციებში, ყოფითი დანიშნულების საგნებში ან ფიგურათა მოდელების გროვაში. ვისწავლით ფიგურის ელემენტების გეომეტრიულ დასახელებებს. (წვერო, წახნაგი, წიბო)“	ვერბალური ახსნა	მთელი კლასი	ფორმატზე წარმოდგენილი გაკვეთილის მიზანი. შეფასების რუბრიკები.	3 წთ
აქტივობა 2. წინარე ცოდნის გააქტიურება მასწავლებელი გაკვეთილს იწყებს წინარე ცოდნის გააქტიურებით, რისთვისაც არჩევს მოსწავლეებთან ერთად საშინაო დავალებას. საშინაო დავალება. რომელ ბრტყელ გეომეტრიული ფიგურები გვქონდა დასახაზი? ჩამოთვალეთ. (ყურადღებას გაამახვილებს მართკუთხედებსა და კვადრატებზე) აჩვენებს მოდელებს.  სვამს შეკითხვებს: ,,რა იცით ოთხკუთხედების შესახებ? როგორ დაახასიათებთ მართკუთხედს? კვადრატს? და. ა. შ.“	კითხვა-პასუხი	მთელი კლასი	თვალსაჩნო მასალა(მაგნიტური ბრტყელი ფიგურები)	5 წთ
II ფაზა აქტივობა 3. მასწავლებელი წარმოუდგენს სივრცულ გეომეტრიული ფიგურების  მოდელებს  და მიმართავს მოსწავლეებს (იწყებს მართკუთხა პარალელეპიპედით)                             ,,რა ბრტყელი გეომეტრიული ფიგურებისგან შედგება მისი ზედაპირი?                                   რამდენი მართკუთხედითაა შემოსაზღვრული ეს ფიგურა?“ დაუკონკრეტებს, რომ მას მართკუთხა პარალელეპიპედი ეწოდება. ,,შეგიძლიათ დაასახელოთ საგანი რომელსაც მართკუთხა პარალელეპიპედის ფორმა აქვს?“ (წიგნი, ასანთი.......) შემდეგ წარუდგენს კუბს. აღმოაჩენენ მისთვის დამახასიათებელ ნიშან-თვისებებს. (ყურადღებას გაამახვილებს, რომ კუბიც მართკუთხა პარალელეპიპედია, ხოლო ყოველი მართკუთხა პარალელეპიპედი შეიძლება არ იყოს კუბი.) ეცნობიან ახალ ტერმინებს-წახნაგი, წიბო, წვერო; ითვლიან მათ რაოდენობებს. მასწავლებელი აჩვენებს PowerPoint-ში გაკაეთებულ რესურსს, მასწავლებელი უხსნის, რომ ბრტყელი გეომეტრიული ფიგურების გამოსახვა შესაძლებელია სიბრტყეზე, ხოლო სივრცული ფიგურების სრულფასოვნად გამოსახვა შეუძლებელია, რომელიღაცა წვერო, წიბო და წახნაგი არ ჩანს და ასეთ დროს დახაზვისას წყვეტილ ხაზს იყენებენ. აჩვენებს ვიდეო რესურსს ,,geogebra.org“ საიტის გამოყენებით, სადაც კუბისა და მართკუთხა პარალელეპიპედის აღქმა შესაძლებელია საინტერესო გზით და ასწავლის ნავიგაციას. 1. ბმული 1 2. ბმული 2	მათემატიკური მოდელირება ინტერაქცია	მთელი კლასი	რესურსები თვალსაჩინოებისთვის, მაგნიტური დაფა, მაგნიტური ფიგურები, კომპიუტერი, პროექტორი	16წთ
III ფაზა აქტივობა 4. სივრცითი გეომეტრიული ფიგურების შექმნა წყვილებში (ურიგდებათ კუბისა და მართკუთხა პარალელეპიპედის შლილები, წებო, მაკრატელი,ჩხირები პლასტელინი, ვაძლევ მკაფიო ინსტრუქციას, ვაძლევ მითითებას რომ გამოჭრან შლილი, გადაკეცონ წიბოებზე და შემდეგ დააწებონ, პლასტელინი გამოიყენონ წვეროებად, ჩხირები წიბოებად, ვუჩვენებ ნიმუშის სახით. ვურიგებ ცხრილს (დანართი 1) რომელსაც შეავსებენ მოდელების შექმნის შემდეგ. ზოგ წყვილს ეძლევა კუბის შლილი ზიგს ეძლევა კუბის სხვაგვარი შლილი ზოგს მართკუთხა პარალელეპიპედის შლილი ხოლო დანარჩენებს ეძლევათ დავალება პლასტელინითა და ჩხირებით უნდა შექმნან კუბის მოდელი	კეთებით სწავლება, სკაფოლდინგი	წყვილებში მუშაობა	კუბისა და მართკუთხა პარალელეპიპედის შლილები, წებო, მაკრატელი,ჩხირები, პლასტელინი, ჯგუფში შესავსები ცხრილები.	15წთ
აქტივობა 5. მასწავლებელი აძლევს მოსწავლეებს საშინაო დავალებას, გეომეტრიული სივრცითი ფიგურების გამოყენებით დახატონ მათთვის სასურველი  ნახატი (სკოლა, სახლი...)	ვერბალური ახსნა	მთელი კლასი		2წთ
აქტივობა 6. ,,გასასვლელი ბილეთები“ გაკვეთილის ბოლოს მასწავლებელი სთხოვს ბავშვებს შეავსონ ბილეთები (დანართი 2).   ამ ბარათების ანალიზის შედეგებს მასწავლებელი ითვალისწინებს შემდგომი გაკვეთილის დაგეგმვისას.	ინდივიდუალური მუშაობა	მთელი კლასი		4წთ

გაკვეთილის შედეგი:

მოსწავლეს ეცოდინება: მოსწავლე შეძლებს კუბისა და მართკუთხა პარალელეპიპედის ამოცნობას სხვადასხვა საგნებში და მისი მოდელების შექმნას. გამოიყენებს გეომეტრიულ ტერმინებს (წიბო, წვერო, წახნაგი)

დანართი 1.

N	ფიგურის დასახელება	წახნაგების(ბრტყელი გვერდი) რაოდენობა	წვეროების რაოდენობა	ჩხირი ანუ წიბოების რაოდენობა
1

დ ა ნ ა რ თ ი 2.

№	გასასვლელი ბილეთი
1	როგორ შეაფასებ დღევანდელ გაკვეთის?
2	რა იყო დღეს ყველაზე საინტერესო შენთვის?
3	რა იყო დღეს ყველაზე რთული შენთვის?
4	რაში გჭირდება დახმარება?

დ ა ნ ა რ თ ი 3.

განმავითარებელი შეფასება
1.	თანამშრომლობა წყვილებში მუშაობისას
2.	აქტიურობის ხარისხი
3.	სხვისი აზრის პატივისცემა
4.	სწორად შესრულებული სამუშაო
5.	დროის ლიმიტის დაცვა

დანართი 4.